Azərbaycan, Bakı, 7 fevral /Trend/
Bu gün İraqın şimalındakı Tuz Xurmatu şəhərində baş verən güclü partlayışda beş nəfər həlak olub, 21 nəfər xəsarət alıb.
İntiharçı-terrorçu minalanmış avtomobildə özünü məşhur bazarın yaxınlığındakı şəhər hospitalının divarları yanında partladıb. Trend-in məlumatına görə, bu barədə İTAR-TASS İraqın "Əs-Sumariyyə" telekanalına istinadən xəbər verib.
Yaralılar ağır vəziyyətdə xəstəxanaya çatdırılıblar.
Hələlik terrorçu qruplardan heç biri partlayışa görə məsuliyyəti öz üzərinə götürməyib.