Azərbaycan, Bakı, 10 fevral /Trend/
Yaponiyanın mərkəzində son bir neçə onillik ərzində ən güclqü qar yığması səbəbindən ölənlərin sayı 13 nəfərə çatıb, təxminən 1700 nəfər xəsarət alıb.
Trend-in bazar ertəsi RİA Novosti-yə istinadən verdiyi məlumata görə, ən çox xəsarət alan Kanaqava prefekturasında qeydə alınıb. Tokioda 200-dən artıq insan sürüşkən yolda yıxılaraq xəsarət alıb.
Paytaxtın bəzi rayonlarında qar örtüyünün hündürlüyü 27 santimetrə çatıb ki, bu da 45 il ərzində rekord hesab edilir.
Mütəxəssislər qeyd edirlər ki, bu, Tokioda 1969-cu ildən etibarən sayca üçüncü güclü qar yağıntısıdır.