Azərbaycan, Bakı, 13 fevral /Trend/
Braziliya paytaxtında "Torpaqsız kəndlilər" hərəkatının üzvlərinin keçirdiyi nümayiş polislə toqquşmalarla yekunlaşıb. Trend-in cümə axşamı "İnterfaks"a istinadən verdiyi məlumata görə, iğtişaşlar nəticəsində ən azı 30 asayiş keşikçisi xəsarət alıb, 8-i isə xəstəxanaya yerləşdirilib.
Etirazçılardan iki nəfərin xəsarət aldığı aksiyalarda 15 minə yaxın insan iştirak edib. Aksiya iştirakçıları hökumətdən aqrar islahatların keçirilməsini tələb edirlər.
1984-cü ildə yaradılan "Torpaqsız kəndlilər" hərəkatı Braziliyada ən iri və nüfuzlu təşkilatlardan biridir. Təşkilatın 1,5 milyona yaxın üzvü var. Hərəkatın məqsədi braziliyalılara torpaq paylarının verilməsinə nail olmaqdır.