Azərbaycan, Bakı, 23 fevral / Trend /
Zəlzələ İranın cənub-şərqində Kirman əyalətinin Fəryab rayonunda şənbə günü axşam saatlarında Rixter cədvəli üzrə 4.0 bal gücündə baş verib. Bu barədə Trend İRNA agentliyinə istinadən məlumat verir.
Tehran universitetinin geofizika İnstitutu yanındakı seysmoloji mərkəzin məlumatına əsasən, zəlzələ yerli vaxtla saat 20: 59-da səkkiz kilometr dərinlikdə baş verib.
Tələfat və dağıntılar barədə məlumat yoxdur.
İran dünyada ən fəal seysmik zonalarından birində yerləşir. Onun ərazisində bir neçə iri tektonik çat var ki, bu da ölkə ərazisinin ən azı 90 faizini təşkil edir.
Bu səbəbdən İranda tez-tez zəlzələlər baş verir və əksər hallarda kifayət qədər dağıdıcı olur.