Azərbaycan, Bakı, 25 fevral /Trend/
ABŞ Ukraynada prezident seçkilərinin mayda keçirilməsini dəstəkləyir. Trend RİA Novosti agentliyinə istinadən bu barədə ABŞ dövlət departamentinin nümayəndəsi Cen Psaki jurnalistlərə brifinqdə bildirib.
"Seçkilərlə bağlı Ukrayna xalqı özü qərar qəbul etməlidir, lakin biz may ayında seçkilər keçirmək çağırışını dəstəkləyirik", - Psaki deyib.
Ukraynanın Ali Radası Viktor Yanukoviçin Ukrayna prezidenti vəzifəsindən kənarlaşdırılması və mayın 25-nə prezident seçkilərinin təyin edilməsi qərarını gəbul edib. Lavrov bildirib ki, may ayında nəzərdə tutulan seçkilər Ukraynada böhranın nizamlanması barədə 21 fevral sazişinə ziddir.