Azərbaycan, Bakı, 1 aprel /Trend/
Ukrayna Ali Radası "Ukraynada qanunsuz silahlı birləşmələrin dərhal tərk-silah edilməsi haqqında" qərar qəbul edib.
Trend-in çərşənbə axşamı UNİAN-a istinadən verdiyi məlumata görə, qərarın lehinə 256 deputat səs verib.
Qərarda qeyd edilir ki, ölkədə yaranmış fövqəladə ictimai-siyasi vəziyyət, kriminal vəziyyətin gərginləşməsi, xarici vətəndaşların ölkədə sistemli təxribatları ilə əlaqədar Daxili İşlər Nazirliyi və Ukrayna Təhlükəsizlik Xidmətinə qanunsuz silahlı birləşmələri və qanunsuz silah daşıyan ayrı-ayrı vətəndaşları tərk-silah etmək tapşırılsın.
Qərar qəbul edildiyi gündən qüvvəyə minir.