Gürcüstan, Tbilisi, 3 aprel /Trend, müxbir N.Kirsxaliya/
Tbilisidəki Rusiya konsulluğunda (Gürcüstanla diplomatik münasibətlər olmadığından İsveçrə səfirliyinin patronajlığı altında fəaliyyət göstərir) Rusiya pasportları almaq istəyən Gürcüstanın ermənilərin məskunlaşdığı Samtsxe-Cavaxeti regionunun sakinlərinin növbəsi yaranıb.
Trend-in müxbiri xəbər verir ki, növbəyə dayanan regionun erməni əsilli sakinləri KİV-lə ünsiyyətdən qaçırlar.
Məlumatlı mənbələrin bildirdiyinə görə, regionun sakinləri qohumlarından Rusiya pasportları və vizalarının verilməsinin sadələşdirildiyini öyrəniblər və Tbilisiyə gəliblər.
Gürcüstanlı ekspertlər qeyd edirlər ki, 2008-ci ildəki hərbi münaqişəyə qədər də Rusiya pasportların verilməsi prosedurunu sadələşdirməyə başlamışdı.