Gürcüstan, Tbilisi, 14 aprel /Trend, müxbir N. Kirtsxalia /
Gürcüstanda bazar ertəsi səhər 3 bal gücündə zəlzələ baş verib.
Trend xəbər verir ki, Gürcüstanın seysmoloji mərkəzinin məlumatına görə, 3 bal gücündə zəlzələ yerli vaxtla saat 04:02-də Zalqa şəhərinin 22 kilometr cənubunda qeydə alınıb.
Bu yaşayış məntəqəsi Tbilisinin 75 kilometr cənubi-şərqində yerləşir.
Yeraltı təkanlar təxminən iki kilometr dərinlikdə baş verib.
Dağıntılar və xəsarət alanlar barədə məlumat yoxdur.