Azərbaycan, Bakı, 14 aprel /Trend/
Avropada Təhlükəsizlik və Əməkdaşlıq Təşkilatına (ATƏT) sədrlik edən İsveçrə səhər Ukraynanın şərqində yaranmış vəziyyəti müzakirə etmək üçün təşkilatın Daimi Şurasının plandankənar iclasının çağırıldığını elan edib. Trend-in məlumatına görə, bu barədə İTAR-TASS xəbər yayıb.
İsveçrə nümayəndə heyətindən bildirilib: "İclas bu gün [yerli vaxtla] saat 16:00-a təyin edilib".
Son bir neçə gün ərzində Ukraynanın şərqində yerləşən Donetsk, Xarkov və Luqansk vilayətlərində federallaşma tərəfdarları mitinqlər keçirərək öz regionlarının statusu haqqında referendumun keçirilməsini tələb edirlər.