Azərbaycan, Bakı, 28 aprel /Trend/
Bir qrup naməlum silahlı şəxs Konstantinovkada (Ukraynanın Donetsk vilayəti) milisin binasını ələ keçirib. Trend-in məlumatına görə, xəbəri "İnterfaks-Ukrayna" ТSN telekanalının 1+1 xəbərlər xidmətinə istinadən yayıb.
Məlumata görə, naməlum şəxslər binaya daxil olublar və əməkdaşları işə buraxmırlar. Bununla yanaşı, naməlum şəxslər heç bir tələb irəli sürmürlər.
Yerli KİV-in məlumatına görə, şəhərin İcraiyyə Komitəsinin binasında da silahlı şəxslər gözə dəyir, bununla əlaqədar işçilər binaya daxil olmurlar.
Səlahiyyətli orqanlar hələlik bu məlumatı təsdiqləmirlər.