Azərbaycan, Bakı, 12 fevral /Trend, müxbir Rufiz Hafizoğlu/
Türkiyənin Ordu vilayətində şagirdlər arasında kütləvi zəhərlənmə qeydə alınıb. Bu barədə Trend Türkiyənin Anadolu agentliyinə istinadən məlumat verir.
Məlumata əsasən, 230 şagirdin məktəbdə yediyi qidadan zəhərləndiyi ehtimal edilir.
Qeyd olunur ki, məktəblilərdən 85-nin vəziyyəti qənaətbəxş olmadığı üçün hazırda xəstəxanada həkim nəzarətində saxlanılır. Digərləri isə ambulator müayinədən sonra evə buraxılıblar.
Faktla bağlı araşdırma aparılır.