Azərbaycan, Bakı, 4 may
ABŞ-da Texas ştatının Harlend şəhərində söz azadlığı müdafiəsinə həsr edilmiş aksiyada və Məhəmməd peyğəmbərin karikaturalarının nümayiş olunduğu mərkəzdə atışma baş verib. Bu barədə Trend Associated Press agentliyinə istinadən məlumat verir.
Əldə olunan məlumata görə, şəxsiyyəti açıqlanmayan 2 kişi mərkəzin mühafizəçilərindən birinə atəş açaraq onu ayağından yaralayıb. Bundan sonra asayiş keşikçiləri cavab atəşi açıblar. İki kişi qətlə yetirilib. KİV-in məlumatına görə, onların üzərində avtomat silah olub. Yaralı mühafizəçi xəstəxanaya aparılıb, həyati təhlükə yoxdur.