Azərbaycan, Bakı, 13 may /Trend, müxbir Rufiz Hafizoğlu/
Türkiyə Əfqanıstanda sabitliyə nail olmaq üçün bütün səyləri dəstəkləməyə davam edəcək.Trend-in "TRT Haber" telekanalına istinadən verdiyi məlumata görə, bunu Türkiyənin baş naziri Əhməd Davudoğlu Antalyada NATO-nun iştirakçı ölkələrinin xarici işlər nazirlərinin görüşündə deyib.
Onun sözlərinə görə, Əfqanıstanda sabitlik Türkiyə üçün xüsusi əhəmiyyət kəsb edir.
Ə.Davudoğlu həmçinin qeyd edib ki, Ankara Əfqanıstanda sülhməramlılarını saxlayacaq.
Bir müddət əvvəl Türkiyənin xarici işlər naziri Mövlud Çavuşoğlu bildirmişdi ki, ölkəsi Əfqanıstandakı sülhməramlı kontingentin sayını 1100 nəfərə qədər artıracaq: "Türkiyə Kabulun beynəlxalq aeroportunun istismarında iştirak etmək niyyətindədir. Bu məqsədlə Ankara 50 milyon avro ayırıb".