Azərbaycan, Bakı, 2 noyabr /Trend/
Türkiyənin cənub-şərq vilayəti Mardində baş verən partlayış nəticəsində ən azı 20 nəfər xəsarət alıb. Bu barədə Trend "DHA" agentliyinə istinadən xəbər verir.
Partlayış Türkiyənin Suriya ilə sərhəddə yerləşən Nusaybin şəhərinin mərkəzində baş verib.
Yaşayış ərazisində saxlanılan maşın hələ ki, istintaqa məlum olmayan səbəblərdən partlayıb. Hadisə nəticəsində yaxınlıqdakı ticarət mərkəzində yanğın başlayıb.
Qeyd olunur ki, bütün zərərçəkənlər yerli xəstəxanaya aparılıb, onların əksəriyyəti nəfəs çatışmazlığı və yüngül xəsarətlərlə xəstəxanaya yerləşdiriliblər.