Azərbaycan, Bakı, 14 noyabr /Trend/
Noyabrın 13-də Parisin "Stad de Frans" stadionunda özünü partladan terrorçu-intiharçıdan birinin üzərindən Suriya vətəndaşının pasportu tapılıb.
Trend-in xarici mətbuata istinadən verdiyi məlumata görə, hazırda hüquq-mühafizə orqanları cinayətkarın kimliyini müəyyən etməyə çalışır.
Qeyd edək ki, Paris prokurorluğunun məlumatlara əsasən, baş vermiş terror aktları nəticəsində 128 nəfər ölüb, 250 nəfər xəsarət alıb.