Bakı. Trend:
Türkiyə Nazirlər Kabineti "Hərbi xidmət haqqında" qanuna dəyişiklik edib.
Trend-in "Resmi Gazete"yə istinadən verdiyi məlumata görə, dəyişikliyə əsasən 15 iyulda dövlət çevrilişinə cəhd zamanı həlak olanların uşaqları və qardaşları özləri istəməyəcəyi təqdirdə, hərbi xidmətə çağırılmayacaqlar.
Həmin şəxslərdən hazırda hərbi xidmətdə olanlar isə nə vaxt istəsələr, Silahlı Qüvvələrin sıralarından tərxis ediləcəklər.