.jpg)
Bakı. Trend:
Türkiyə mətbuatı İstanbulda gecə klubunda 39 nəfərin ölümünə səbəb olan terrorçunun adını açıqlayıb.
Trend "TRT" telekanalına istinadən xəbər verir ki, bu şəxs Lakhe Maşrafov adlı 28 yaşlı Qırğız vətəndaşıdır.
Polisin açıqlamasına görə, həmin şəxs həyat yoldaşı və iki uşağı ilə birlikdə noyabrda Suriyadan Türkiyənin Konya şəhərinə gəlib və terrorla bağlı hazırlıqlarını da burada həyata keçirib.
Qırğız Millli Təhlükəsizlik Komitəsindən "RİA Novosti" agentliyinə bildiriblər ki, hazırda İstanbulda baş verən terror aktında bu ölkə vətəndaşının iştirakının olub-olmaması yoxlanılır.
