Bakı. Trend:
Cənubi Koreya öz ballistik raketini sınaqdan keçirib.
Trend-in "RİA Novosti"yə istinadən verdiyi məlumata görə, raketin sınaqdan keçirilməsində müdafiə naziri Xan Min Qu iştirak edib.
"Anxır sınaq poliqonunda 800 kilometrə qədər olan hədəfi vurmaq qabiliyyətinə malik olan "Xyonmu" ballistik raketinin sınağı keçirilib", - məlumatda deyilir.
Cənubi Koreya hərbçiləri bildiriblər ki, bu ballistik raket Şimali Koreyanın bütün ərazisinin istənilən nöqtəsinə zərbə endirə bilər.