.jpg)
Bakı. Trend:
ABŞ prezidenti Donald Tramp və Səudiyyə Ərəbistanı kralı Salman arasında telefon danışığı olub.
Trend-in "RİA Novosti"yə istinadən verdiyi məlumata görə, telefon danışığı zamanı tərəflər Qətər böhranının həllini müzakirə ediblər.
Bundan əlavə, Səudiyyə Ərəbistanı kralı pezident Trampı Mosulda İŞİD üzərində qələbə münasibəti ilə təbrik edib.
Xatırladaq ki, iyunun 5-də Səudiyyə Ərəbistanı, Bəhreyn və BƏƏ, həmçinin Misir Qətəri terror təşkilatlarına və onların bu ərəb ölkələrində daxili vəziyyəti gərginləşdirmək üzrə fəaliyyətlərinə dəstək verməkdə ittiham edərək rəsmi Doha ilə diplomatik əlaqələri kəsdiklərini bəyan ediblər. Daha sonra digər ölkələr Qətərlə münasibətləri dayandırdığını və ya azaltdığını bildirib.