Bakı. Trend:
Taylandda 5 il azadlıqdan məhrum edilmiş sabiq baş nazir Yinqlak Çinavatın Dubayda gizlənməsi məlum olub.
Trend-in məlumatına görə, bu barədə baş nazir Prayut Çan-oça brifinqdə xəbər verib.
Baş nazir deyib: "Bundan sonra isə artıq polis Xarici İşlər Nazirliyi və İnterpolla bir yerdə iş aparacaq".
Qeyd edək ki, keçmiş baş nazirin barəsində vəzifə səlahiyyətlərinin yerinə yetirilməsində yol verdiyi nöqsanlara görə cinayət işi açılıb. O, gizli yolla ölkəni tərk edib.