Bakı. Trend:
Fransanın Reyms şəhərində dəmiryolu vağzalı təxliyə edilib.
Trend-in "TASS"a istinadən verdiyi məlumata görə, Parisə gedən qatarın vaqonunda sərnişinlərdən biri digər sərnişinə vaxtı soruşub və o, "partlamağa hələ vaxt var" deyə cavab verib. Qatarın sərnişinləri dərhal hüquq-mühafizə orqanlarına zəng vurublar. Həmin şəxs saxlanılıb və sorğulanır.
Polislər vağzaldan insanları təxliyə ediblər, qatarların hərəkəti dayandırılıb. Şəhər vağzalının ərazisində partlayıcı qurğunun olub-olmaması yoxlanılır. Hüquq-mühafizə orqanları bu sözlərin uğursuz zarafat ola biləcəyini istisna etmirlər.