Bakı. Trend:
ABŞ rəqibləri üzərində, xüsusilə Rusiya və Çin üzərində öz hərbi üstünlüyünü itirir.
Trend-in "RİA Novosti"yə istinadən verdiyi məlumata görə, bunu Massaçusets ştatında Tafta universitetində çıxışı zamanı ABŞ Silahlı Qüvvələri Qərargah Rəisləri Komitəsinin rəhbəri general Cozef Danford bildirib.
C.Danford qeyd edib ki, Rusiya, Çin və digər ölkələr ABŞ-ın hərbi əməliyyatların aparılması metodlarını öyrəniblər və Vaşinqtonun üstünlüyünü minimuma endirmək üçün öz strategiyalarını hazırlayıblar.