Bakı. Trend:
Yüzlərlə adam bu gün Qahirədə ABŞ prezidenti Donald Trampın Qüdsü İsrailin paytaxtı elan etməsinə etiraz olaraq dinc nümayişə çıxıb.
Trend-in məlumatına görə, nümayiş cümə namazından sonra "Əl-Əzhər" məscidi önündə başlayıb.
Etirazçılar Qüdsün nə qərbə, nə şərqə aid olmadığını, ərəblərə məxsus olduğunu şüar kimi səsləndirirlər.
Xatırladaq ki, dekabrın 6-da D.Tramp Qüdsü İsrailin paytaxtı kimi tanıdığını elan edib.