Bakı. Rufiz Hafizoğlu - Trend:
İŞİD terror təşkilatı ilə mübarizə çərçivəsində 5600 muzdlu qatil Türkiyədən deportasiya olunub.
Trend-in məlumatına görə, bunu Türkiyə Prezidenti Rəcəb Tayyib Ərdoğan deyib.
Dövlət başçısı qeyd edib ki, İŞİD-lə mübarizə çərçivəsində ölkəyə 54 min nəfərin gəlişinə qadağa qoyulub: "Türkiyə İŞİD-lə mübarizəni davam etdirəcək".
Qeyd edək ki, 2016-cı ilin avqustundan 2017-ci ilin avqustunadək İstanbulda İŞİD üzvlərinə qarşı aparılan 117 əməliyyat nəticəsində 1000-dən çox insan saxlanılıb.