Bakı. Trend:
Panama bayrağı altında İrandan Cənubi Koreyaya hərəkət edən SANCHI neft tankeri şənbə günü axşam Çinin şərq sahili yaxınlığında Honkongun CF CRISTAL gəmisi ilə toqquşub.
Trend-in "Xinhua" agentliyinə istinadən verdiyi xəbərə əsasən, Çinin nəqliyyat nazirliyi hadisə nəticəsində 32 nəfərin itkin düşməsi barədə məlumat yayıb. İtkin düşənlər arasında 30 İran və 2 Banqladeş vətəndaşının olduğu bildirilir.
Toqquşma nəticəsində tankerdə yanğın baş verib.
Xilas etmə və axtarış əməliyyatlarına Çin və Cənubi Koreya sahil mühafizəsi xidmətlərinin əməkdaşları cəlb edilib.
08:43
Çinin şərq sahilində iki gəmi toqquşub.
Trend-in "Xinhua" agentliyinə istinadən verdiyi məlumata əsasən, hadisə nəticəsində onlarla ekipaj üzvü itkin düşüb.
Digər təfərrüatlar hələlik açıqlanmır.