Bakı. Trend:
Çin, Honq Konq, İran və Panama bir müddət əvvəl Şərqi Çin dənizində batmış gəminin qəza səbəblərini araşdıracaq.
Trend-in məlumatına görə, bu məqsədlə dörd ölkənin hökumət qurumları tərəfindən birgə araşdırma komissiyası yaradılacaq.
Qeyd edək ki, İrana məxsus “SANCHI” neft tankeri yanvarın əvvəli Çin yaxınlığında qəzaya uğrayıb. Gəminin 32 nəfərdən heyətinin həlak olduğu bildirilib.