Bakı. Trend:
İsraili baş naziri Binyamin Netanyahu ABŞ-ın İranın nüvə ambisiyaları və regional ekspansiyasına qarşı kampaniyaya başçılıq etmək və dəstəkləmək niyyəti ilə ruhlandığı bildirib.
Trend-in RİA Novosti-yə istinadən verdiyi məlumata əsasən, baş nazir bunu Tel-Əvivdə ABŞ-ın yeni dövlət katibi Maykl Pompeo ilə görüşü zamanı deyib.
"İranın qarşısı alınmalıdır, onun atom bombasına can atması dayandırılmalıdır, onun aqressiyasının qarşısı alınmalıdır. Biz bunu bir yerdə etməyə hazırıq. Mən növbəti dəfə ABŞ-ın İsrailə göstərdiyi möhkəm dəstəklə ruhlanmışam", - deyə Netanyahu bildirib.