Bakı. Trend:
ABŞ-ın Nyu-Cersi ştatında "Art All Night" sərgisində baş verən atışma nəticəsində 20 nəfər xəsarət alıb.
Trend-in məlumatına görə, atəş açan şəxs ölüb. Hadisə Trenton şəhərində yerli vaxtla 03:00-da baş verib.
Merser dairəsinin prokuroru Andjelo Onofri bildirib ki, xəsarət alan 20 nəfərdən 16-ı пüllə yaraları alıb, onlar yerli xəstəxanalara çatdırılıb.
Prokurorun sözlərinə görə, atışmada iştirakına görə şübhəli bilinən daha bir nəfər saxlanılıb. Hadisənin səbəbləri hələlik məlum deyil.