Bakı. Trend:
Meksikanın Monterrey şəhərində (Nuevo-Leon ştatı) 6 bara silahlı hücum olunub.
Trend-in məlumatına görə, hücumlar nəticəsində azı 15 nəfər qətlə yetirilib, çox sayda yaralı var.
Ən çox insan ölümü "Rancho Viejo" barında qeydə alınıb - 9. Digər barlarda 1 və ya 2 nəfər öldürülüb.
Bütün silahlı hücumlar təxminən eyni vaxtda baş verib.
"Cronica" portalı qeyd edir ki, bütün barlara "Şimal-şərq" adlanan kartel nəzarət edir, hücum edənlər isə "Körfəz" kartelinin üzvləri olub.=