Bakı. Trend:
Konstitusiya quruluşunu devirməkdə ittiham olunan Ermənistanın sabiq prezidenti Robert Koçaryan 1 mart 2008-ci il tarixində etiraz aksiyalarının dağıdılmasına dair açılan cinayət işi üzrə ifadə verməkdən imtina edib.
Trend-in məlumatına görə, bu barədə Xüsusi İstintaq Xidmətinin rəhbəri Sasun Xaçatryan bildirib.
“Koçaryan ifadə verməkdən imtina etdi, digər istintaq hərəkətlərində iştirak etmədi və istintaq aparılan otağı tərk etdi”, - Xaçatryan deyib.
Xüsusi İstintaq Xidməti iyulun 26-da Koçaryana qarşı Konstitusiya quruluşunun devrilməsində iştiraka dair ittiham irəli sürüb.
Bir gün sonra isə o, 2 ay müddətinə həbs edilib.