Bakı. Trend:
Ümumdünya Səhiyyə Təşkilatının (ÜST) baş direktoru Tedros Adanom Ghebreyesus COVID-19-un "omikron" ştammı səbəbindən Afrikanın cənub ölkələrinə birbaşa uçuşlara məhdudiyyətlər qoyan dövlətləri tənqid etdi.
Trend-in məlumatına görə, bu barədə ÜST-ın baş direktoru öz "Twitter" səhifəsində yazıb.
ÜST rəhbəri bəzi ölkələrdə gələnlərin uçuşdan qabaq verilən koronavirusla bağlı testlərin neqativ nəticələrini tanımamasını narahatedici adlandırıb:
"Bəzi ölkələrin "omikron" variantına görə Afrikanın cənub hissəsindən birbaşa uçuşları dayandırmağa davam etməsi hələ də təəssüf doğurur".