Bakı. Trend:
Çinin Şanxay şəhərində iyunun 11-12-də 29,9 milyondan çox sakin koronavirus əleyhinə test verib.
Trend-in məlumatına görə, bu barədə şəhər rəhbərliyi mətbuat konfransı zamanı bildirib.
Bu müddət ərzində şəhərdə 66 yeni yoluxma qeydə alınıb ki, onlardan 45 nəfəri simptomsuz daşıyıcı olub.
Qeyd edək ki, Şanxayın bəzi rayonlarında martın sonlarından etibarən sərt qapanma tətbiq olunur. Şəhər rəhbərliyi yoluxma saylarının müəyyən edilməsi üçün ayrı-ayrı rayon və məhəllələrdə kütləvi testlər keçirir.