Bakı. Trend:
Yaponiyanın Honşu adasının şimalında və şimal-şərqində yerləşən bir neçə prefekturanın 100 mindən çox sakininə güclü yağışlar səbəbindən daşqın və torpaq sürüşməsi təhlükəsi ilə əlaqədar təxliyə edilmələri tövsiyə olunub.
Trend-in məlumatına görə, bu barədə "NHK" televiziya kanalı xəbər verib.
Evdən çıxmaq və evakuasiya mərkəzlərinə köçmək tapşırıqları Niiqata, Yamaqata, Aomori, Fukusima prefekturalarında müəyyən ərazilərə şamil edilib.
Güclü yağışlar bir neçə çayın öz sahilindən çıxmasına səbəb olub.