Bakı. Trend:
Somali təhlükəsizlik qüvvələri ölkənin paytaxtı Moqadişoda silahlılar tərəfindən ələ keçirilən "Həyat" otelindən qadın və uşaqlar da daxil olmaqla 106 nəfəri azad edib.
Trend-in "Gazeta.ru"ya istinadən verdiyi məlumata görə, hücum nəticəsində ölənlərin sayı 21-ə çatıb.
Əl-Şəbab yaraqlıları binanın girişində partlayıcı ilə doldurulmuş iki avtomobili partlatdıqdan sonra otelə soxulublar.
Yerli jurnalistlərin məlumatına görə, otelin azad edilməsi əməliyyatına hücumçu pilotsuz təyyarələr cəlb olunub.