Bakı. Trend:
Qazaxıstanın fövqəladə hallar naziri Yuri İlyin Amankaraqayda yaşayış binalarına keçən meşə yanğınları nəticəsində bir nəfərin öldüyünü açıqlayıb.
Trend-in məlumatına görə, bu barədə nazir bu gün keçirilən brifinq zamanı deyib.
"Yerli icra hakimiyyəti orqanları və idarələri tərəfindən vaxtında görülmüş tədbirlər nəticəsində gün ərzində yanğın təhlükəsi olan yaşayış məntəqələrindən 1800-dən çox insan təxliyə edilib. Saat 00:00-a olan məlumata görə, xəsarət alanlar və ölənlər barədə məlumat olmayıb. Bu gün səhər saatlarında Amankaraqay kəndində dağıntılar təmizlənərkən bir nəfərin ölümü aşkarlanıb", - deyə nazir qeyd edib.