Bakı. Trend:
BMT Təhlükəsizlik Şurasının üzvləri İŞİD terror təşkilatının qollarından birinin Kabildə Rusiyanın səfirliyi yaxınlığında törətdiyi terror aktını kəskin şəkildə pisləyiblər.
Trend xəbər verir ki, bu barədə BMT-nin mətbuat xidmətindən bildirilib.
"Təhlükəsizlik Şurasının üzvləri 2022-ci il sentyabrın 5-də Rusiya Federasiyasının Kabildəki səfirliyinə edilən hücumu qətiyyətlə pisləyib", - deyə açıqlamada deyilir.
Qeyd edəkk ki, İŞİD-in qolu olan "Xorasandakı İslam Dövləti" tərəfindən törədilən terror aktı nəticəsində Rusiya səfirliyinin iki əməkdaşı da daxil olmaqla azı 6 nəfər həlak olub.