Bakı. Trend:
Şənbə günü Türkiyənin xarici işlər naziri Mövlud Çavuşoğlu və Ukrayanın xarici işlər naziri Dmitri Kuleba arasında telefon danışığı olub.
Trend bu barədə "Anadolu" agentliyinə istinadən xəbər verir.
Məlumata əsasən, telefon danışığı zamanı Ukraynadakı vəziyyəti müzakirə ediblər.
D.Kuleba Türkiyənin Bartın vilayətində kömür mədənində baş vermiş qəza nəticəsində insanların həlak olması ilə bağlı türkiyəli həmkarına başsağlığı verib.