Bakı. Trend:
Oktyabrın 29-da “Əş-Şəbab” silahlılarının Somalinin paytaxtı Moqadişonun mərkəzində Təhsil Nazirliyinin binasına hücumu nəticəsində ölənlərin sayı 104-ə yüksəlib.
Trend "TASS"a istinadən xəbər verir ki, bu barədə bazar günü paytaxtın meri Yasin Madale deyib.
"Ölənlərlə yanaşı, daha 269 nəfər yaralanıb", - deyə şəhərin meri əlavə edib.
Xatırladaq ki, ötən gün səhər saatlarında Somalinin paytaxtı Moqadişo şəhərində Təhsil Nazirliyinin binasının qarşısında partlayıcı maddə ilə doldurulmuş iki avtomobil partladılıb.