Bakı. Trend:
Yunanıstanın Evbeya adası sahillərində miqrantları daşıyan qayığın batması nəticəsində ölənlərin sayı 26 nəfərə çatıb.
Trend xəbər verir ki, bu barədə şənbə günü "Skai TV" telekanalı məlumat yayıb.
Məlumata əsasən, axtarış-xilasetmə əməliyyatı nəticəsində ümumilikdə 12 miqrant xilas edilib. Qayığın göyərtəsində 68 miqrantın olduğu bildirilir.
Miqrantlar Əfqanıstan, Misir və İran vətəndaşları olub.