Bakı. Trend:
Almaniyanın şimalındakı Vilhelmshafen limanında mayeləşdirilmiş təbii qaz yüklü gəmilərin qəbul olunması üçün ilk səyyar terminalın tikintisi bu gün başa çatıb.
Trend-in məlumatına görə, ilk tankerin 2023-cü ilin yanvarında terminala gəlməsi planlaşdırılır.
Qeyd olunur ki, həmin terminalın illik gücü 7,5 milyard kubmetr təşkil edəcək.
Almaniya hökuməti 2023-cü ilin sonunadək 7 səyyar terminalın inşasını başa çatdırmağı planlaşdırır. Terminalların ümumi qəbul gücü ildə 30 milyard kubmetr qaz təşkil edəcək.