Bakı. Trend:
BMT Təhlükəsizlik Şurasına (TŞ) sədrlik Qayanadan Yaponiyaya keçib.
Trend xəbər verir ki, Yaponiya mart ayından BMT TŞ-yə sədrlik edəcək.
Yaponiyanın BMT-dəki daimi nümayəndəsi Yamazaki Kazuyuki ölkəsinin mart ayında həyata keçirəcəyi fəaliyyətlərlə bağlı BMT-nin mənzil-qərargahında jurnalistlərə məlumat verib.
Y.Kazuyuki Yaponiyanın bu ay BMT TŞ-yə sədrliyi dövründə nüvə silahları və sülhməramlılarla bağlı məsələləri diqqətdə saxlayacağını, habelə Yaxın Şərqdə davam edən münaqişənin TŞ-nin gündəmində olacağını bildirib.