Bakı. Trend:
Konqo Demokratik Respublikası hökuməti ilə M23 silahlı qruplaşması avqustun 18-dək sülh sazişi imzalamaq barədə razılığa gəlib.
Trend xəbər verir ki, razılıq iyulun 19-da Dohada keçirilən görüş zamanı əldə olunub. Danışıqlara Qətər hökuməti vasitəçilik edib.
Qeyd edək ki, M23 qruplaşması Ruandanın dəstəyi ilə Konqo Demokratik Respublikasının Qoma şəhərini, Şimali Kivu və Cənubi Kivu əyalətlərini nəzarətə götürüb. Bu bölgələr qızıl və nadir metal yataqları ilə zəngin hesab olunur.