Bakı. Trend:
İran ABŞ prezidenti Donald Trampın sülh razılaşmasının Hörmüz boğazının tam açılmasını da əhatə edəcəyi barədə iddiasını təkzib edib.
Trend-in məlumatına görə, bu barədə "Fars" agentliyi xəbər verib.
"Mümkün razılaşma halında, Hörmüz boğazı hələ də İranın nəzarəti altında qalacaq", - deyə bildirilib. Qeyd edilib ki,Tramp tərəfindən təqdim edilən razılaşmanın təfərrüatlarının "natamam və reallığa uyğunsuz" olduğu bildirilib.
Bildirilib ki, İran gəmiçiliyin müharibədən əvvəlki səviyyəyə qayıtmasına icazə verməyə razı olsa da, "bu, heç bir şəkildə müharibədən əvvəlki kimi sərbəst keçid demək deyil".
