Gürcüstan Milli Bankının prezidenti Roman Qotsiridze cümə günü Tbilisidə səfərdə olan Beynəlxalq Valyuta Fondunun nümayəndələri ilə görüşəcək.
Trend agentliyinin məlumatına əsasən, nümayəndə heyətinə BVF-nin Mərkəzi Asiya və Yaxın Şərq ölkələrindəki nümayəndəsi Con Uykman-Linn rəhbərlik edir.
Görüş zamanı yoxsulluğun aradan qaldırılması proqramının və pul-kredit siyasətinin gerçəkləşdirilməsi ilə bağlı məsələlərə toxunulacaq.
Səfər zamanı qonaqların millət vəkilləri, hökumət üzvləri, iş adamları vvə qeyri-hökumət təşkilatları nümayəndələri ilə görüşü planlaşdırılıb. Bu barədə "Praym-nyus" xəbər verib.