Qazaxıstanın hökumət başçısı Danial Axmetov Almatıda "Lukoyl" neft şirkətinin prezidenti Vahid Ələkbərov ilə görüşüb.
Trend agentliyinin Qazaxıstanın hökumət mənbələrinə istinadən yaydığı məlumata əsasən, tərəflər Qazaxıstanda karbohidrogenlərin kəşfiyyatı, işlənməsi və hasilatı sahəsində ikitərəfli əməkdaşlığın inkişaf məsələlərəni müzakirə edib.
D.Axmetov "Total" neft-qaz şirkətinin icraçı vitse-prezidenti Kristof de Majeri də qəbul edib. Görüş zamanı ölkədə neft-kimya layihələrinin gerçəkləşdirmə perspektivlərinə baxılıb.