İyunun 20-də Tiflisdə "Avrasiyada enerji təhlükəsizliyi - bazara çıxış və investisiya siyasəti"nə həsr olunmuş beynəlxalq konfrans öz işinə başlayıb və iyunun 21-dək davam edəcək.
Dövlət dəftərxanasından Praym-Nyus-a verilən məlumata görə, konfrans Gürcüstan hökumətinin təşəbbüsü, ölkə prezidenti və Beynəlxalq Enerji Agentliyinin dəstəyi ilə keçirilir.
Konfransda Avrasiyada Mərkəzi Asiya təbii qazının artan rolu, enerji daşıyıcılarının tədarükündə kollektiv təhlükəsizliyin möhkəmləndirilməsi, o cümlədən "Enerji daşıyıcılarının nəqli üzrə Cənub dəhlizi"nin inkişafı ilə bağlı məsələlər müzakirə olunur.
Konfransın açılışında prezident Mixail Saakaşvili çıxış edib. Bu barədə Trend xəbər verir.