Almaniya XİN başçısı Frank-Valter Ştaynmayer bu il dekabrın 20-21-də Rusiyaya baş çəkəcək. RF XİN informasiya və mətbuat departamentinin məlumatına əsasən, müvafiq razılıq RF-nın xarici işlər naziri Serqey Lavrovun Almaniyanın federal xarici işlər naziri Frank-Valter Ştaynmayer ilə Ölü dənizdə (İordaniya) xarici işlər nazirlərinin görüşü zamanı "Gələcək üçün forum" adlı iclası çərçivəsində təsdiq olunub.
Trend RBK-ya istinadən məlumat verib ki, nazirlər söhbət zamanı qarşılıqlı maraq doğuran aktual ikitərəfli və beynəlxalq mövzuları, İraq və Əfqanıstandakı vəziyyəti, İranın nüvə proqramını, Rusiya-Avropa Birliyi münasibətlərini də müzakirə ediblər.