İranın Ali milli təhlükəsizlik şurasının (AMTŞ) katibi Əli Laricani cümə günü Romaya gəlir və orada İtaliyanın baş naziri Romano Prodi ilə görüş keçirəcək.
İranın Rəsmi informasiya agentliyi İRNA-nın verdiyi xəbərə görə, görüş İtaliyanın hökumət başçısının iqamətgahında keçiriləcək.
Əvvəl xəbər verildiyi kimi, Laricani həmçinin təhlükəsizlik üzrə 43-cü Münxen konfransında iştirak etmək niyyətindədir. Kuluar görüşlərdə Avropa nümayəndələri ilə İranın nüvə problemini müzakirə edəcək. Bu barədə Trend www.rian.ru saytına istinadən xəbər verir.
Fevralın 9-dan 11-dək keçiriləcək təhlükəsizlik üzrə 43-cü Münxen konfransında 40-dan çox ölkədən 250-dən yuxarı dövlət, siyasi və ictimai xadimlər iştirak edəcək.