Bazar ertəsi ÇXR müdafiə naziri Tsao Qançuan bildirib ki, Çin gələcəkdə kosmik məkanda ballistik raketlərin sınaqlarını təkrarlamamağı vəd edib.
Yaponiyanın "Kiodo tsusin" agentliyi onun sözlərini sitat olaraq qeyd edib: "Biz gələcəkdə bu cür sınaqları keçirəcəyimizi düşünmürük".
Bu, yanvarın 12-də ÇXR tərəfindən keçirilmiş sınaqla bağlı Çin hərbi rəhbərliyinin ilk bəyanatıdır.
Trend xəbər verir ki, bu sınaq zamanı ballistik raket təxminən 800 kilometr hündürlükdə Çinin köhnə meteoroloji peykini məhv edib.