Fransa, Strasburq/ Trend müxbir E.Məcidli/ Çeçenistanı Qoru hərəkatı, çeçenlerin müharibə və yoxsulluq içində keçən həyat tərzlərini dünya ictimaiyyətinə güstərmək üçün İngiltərədə film festivalı təşkil edəcək.
"Çeçenistan: Tanrı, Xalq və Vətən" adlı festival martın 10-da Londonda keçiriləcək. Festivalda Çeçenistandaki gündəlik həyatdan bəhs edən sənədli və bədii filmlər nümayiş etdiriləcək.
Londonun Torrington meydanındak Clore Menecerlik Mərkəzinin Birkbeck kollecində keçiriləcək festivalda Stanley Greene mükatını almış "Açıq Yara : Çeçenistan 1994-2003" foto-sərgisi də nümayiş etdiriləcək.
Festivalda İngiltərənin rəsmi orqanlarının nümayəndələri ilə yanaşı, xarici qonaqların, etnik xalqların təmsilçilərinin, müxtəlif assosasiyaların, habelə ölkədəki müxtəlif səfirliklərinin nümayəndələrinin iştirak edəcəyi gözlənilir.